ها علاش ماغاديش تنجح "ديسلايك" ديال الفيسبوك

#. السلامعليكم..
تانشوف العديد من الأصدقاء ف الفيسبوك مشاو مع الاشارة لي شار ليها "مارك" ف آخر "لايف" ديالو عن زوبعة زر "ديسلايك" او عدم الاعجاب وهذا أمر ايجابي نناقشو "العييلم النافع" لهذا قررت ندير عليه شي نويطات بحكم دوزت مدة ف هاذ الموقع "الأزرق" وفهمت فيه شي لعيبات
من وجهة نظري أرى أن زر ‪#‎Dislike‬ اللي فرحانين بيه الأغلبية راه سيف ذو حدين وماغاديش ينجح ومرتقب يتراجع عنه الفيسبوك لأسباب..
علاش؟؛ لأنه:
واحد: أمر يخالف ويتنافى مع هدف الفيسبوك الأول وهو زيادة التواصل الاجتماعي بين المستخدمين والأصدقاء .
زوج: زر Dislike غادي يكون "سلاح" ووسيلة للإطاحة ب "الأشخاص" أو "الشركات التجارية" وهاذي خسارة للادارة الفيسبوك حيت الدخل ديالها الأول هو عن طريق الاعلانات وديكشي.
تلاثة: هو حاجة تشجع "السلبية" في الفيسبوك ماتبانش مازال شيحاجة زينة
ربعآ/ يقوم ب "اغتيال" روح النقد وكتابة تعليقات والنقاش (باندم ايبقا يدير بحال داكشي ديال "هيسبام" يطلع لي بغا ويهبط لي بغا دون ترك تعليق)

أخيرا: تانلاحظو وتاتلاحظو معي جميعا أن جميع التطبيقات وليزابليكاسيون لي جا بيها الفيسبوك منهار خرج للأنوار ل دابا كلها أدوات للتفاعل وتشجيع البقاء أطول مدة في الموقع، فكيف انو يدير "زر" يشعل بيه العافية ويجبد الصداع بين المستخدمين ويطيح هذا ويطلع هذا وبالتالي يقل النشاط والتفاعل د الطرفين'؟ آشمن ربح عندو؟
وللعلم ان الفيسبوك كونماكان تايربح مننا الله لا طول معانا 
44

1:22 م