هادو جوج دراري كانوا مدابزين ف القسم.
جا الأستاد لقاهم ف ديك الحالة وسولهم: مالكم على هاد الصداع؟
قالوا ليه: لقينا 100 درهم، واتفقنا اللي قال أكبر كدبة ياخدها.
قال ليهم الأستاد: ما حشمتوش؟ أنا ملي كنت قدكم ڭاع ما كنت كنعرف أشنا هو الكدوب.
وهوما نيت يعطيوه دوك الدراري 100 درهم
هادا واحد المكلخ ساقط أربع سنين فالتحضيري.
جا عندو المدير، قال ليه: واش نتا غادي تبقى غي لاصق ليا ف هاد المدرسة ؟
ناض الدري كعا، هز شكارتو وخرج. قال ليهم: لهلا يداوي بوكم.
كان معول يولي طبيب .
هادا واحد مكلخ عندو شي فلوس وبغى يخبيهم
ناض حفر حفرة ف الجردة، خباهم تما،
ودار فوق الحفرة بلاكة كتب فيها: هنا ما كاينينش الفلوس
شوية جا خوه، بانت ليه البلاكة، جبد الفلوس خداهم،
ودار بلاكة كتب فيها: راه ماشي خوك اللي خدا ليك الفلوس.
واحد طلع لطوبيس ، سلم على الشيفور او قالو : واش عرفتني شكون انا ؟
الشيفور : لا !
الرجل : انا لي سلمت عليك عاد كيف دابا
هادو هادا واحد قرر ينتحر، وهو يطلع فوق باطيمة
مللي شاف التحت بانت ليه جوقة ديال الناس تحت لباطيمة
وهو نيت ينزل يشوف أشنو واقع
هادا واحد مشى لهولندا و ماتيعرفش الهولندية، يالله تايعرف صباح الخير هي الداخ.
وصل تماك بالليل وناض الصباح بكري تيدور بوحدو وتيتسنى يدوز شي واحد باش يقول ليه الداخ.
شوية دازت واحد النصرانية وسبقاتوا قالت لو الداخ. معرفش باش يجاوبها وقاليها دردلاخ
هادا واحد الزقرام كيقرا ف محو الأمية. سولو المعلم قال ليه: 60+60 شحال كتساوي؟
قال ليه السقرام : 120
وهو يقول ليه المعلم: مالك البارح قلتي للمفتش 140 ؟
أو هو يقول ليه الزقرام: راه زدت عليه حيت هو ماشي من الكليان ديالي
مبوق وقف مورا واحد مكلخ ف الڭيشي.
شوية بدا المبوق كيضحك.
سولو المكلخ: علاش كضحك؟
قال ليه المبوق: عرفت الكود ديالك .
قال ليه المكلخ: أشنو هو يالاه؟
قال ليه المبوق: نجمة، نجمة، نجمة، نجمة.
شبع فيه المكلخ ضحك وقال ليه: غلط، الكود ديالي هو 4011
هادو تلاتة راكبين ف الطاكسي. واحد الوقت، ناض مول الطاكسي زكل واحد لفيراج،
و بدا غادي ف واحد الهبطة نيشان للواد.
الراجل اللول بدا يغوت: آ مولاي دريس، آ مولاي يعقوب
التاني تبعه: آ سيدي عبد الرحمان، آ مول المجمر
التالت القرزاز بدا عليهم: آ حبس أوا علي الكونتور، آ حبس عليا داكشي
